लोकसभा निवडणुकीच्या तारखा (Loksabha Election Dates) जाहीर झाल्या आहेत. त्या तारखा लगेच तुम्ही आपल्या मोबाइलमध्ये अलार्म लावून ठेवा आणि मतदानाचा हक्क बजावा म्हणजे बजावाच. लक्षात ठेवा तुम्ही जर मतदान केलं नाही आणि योग्य उमेदवार निवडून आणला नाही तर तुम्हाला पाच वर्ष सरकारच्या नावाने उगाच बोटं मोडण्यात काढावे लागतील. त्यापेक्षा आपला हक्क बजावून खरी देशभक्ती करा. 

एका सामान्य माणसाला लोकशाहीने दिलेली हि सुपरपॉवर आहे. ती सुपरपॉवर जर तुम्ही वापरली नाही तर ती पॉवर अश्या व्यक्तीकडे जाईल जो तुम्हाला नको असेल आणि त्या पावरचा उपयोग आणि दुरुपयोग तो पाच वर्ष करेल. म्हणून एका दिवसाचे सुपरमॅन नक्की बना आणि या देशाला सुपरपॉवर बनण्याच्या मार्गावर पुढे नेईल अश्या व्यक्तींना मत द्या.

मत विकू नका. कुणाकडूनच पैसे घेऊ नका. लाचार बनू नका.

लक्ष्यात ठेवा लोकसभेच्या निवडणुकीतून आपल्याला नगराध्यक्ष नाही, मुख्यमंत्री नाही तर प्रधानमंत्री निवडायचा आहे . जो आपल्या देशाचं भवितव्य ठरवणारा असतो.